CHISTA È L’ITALIA MIA

13315639_10206394907936933_6595914113735784923_n

A lu paisi mio, oji fu festa,
di lu militi ignotu trapassatu,
non ‘mbozzi mu vaiu a sta parata…
ca mi pari na grandi cavulata,
mu mi perduna lu Signuri
e sti grandi eroi caduti
chi riciviru l’onori cchiù dovuti.
Pensamu o sconosciutu e o u cumbattenti,
e abbandunamu tutta l’atra genti,
chiji animi di vittimi nocenti
cu sangu scurri ancora subba l’undi,
lu mari ‘ndi porta e ‘ndi leva
e a mia lu cori assai mi gela.
Chista è l’Italia mia!
Oji su tutti in doppiu pettu
e a li fimmani e ai figghioli,
‘nci mancanu i rispettu.
Chisti su l’eroi di tutti l’uri
Sordati senza nomi e senza storia,
di lu peccatu i l’atri redenturi.
Chista è l’Italia mia!
Penzavi mu pregu ‘nta la casa
pe sta povera italia devastata,
defraudata di bellizzi e di valori,
di cu beni du paisi cchiù non boli.
I chjacchieri cumpundunu,
e o u mussu nci cunduni,
sacrifici, tassi, si paga l’aria pe respirari
mentri i famighii cianginu lacrimi amari.
Chista è l’Italia mia!
Avimu talentu di vindiri…
ma i megghiu ciriveia nci ndiiru fora,
avimu jiuri, poeti e canzuni
e jiamu arredu a lestofanti e latruni.
Si parramu, predicamu e non facimu…
non cangia propri nenti, sulu morimu.
Basta chi tarallucci e vinu…
si ‘nda cchiappamu puru cu vicinu,
Repubblica na vota… a duvv’è l’unità?
Si no restau nu morzu i libertà!!!
Chista è l’Italia nostra, la Patria mia!

Teresa Averta

Annunci